Walasa aw den ka kalan bɛɲɛ ani a ka kɛ fasoden ɲuman ye, aw kelen tɛ.


Duguma lakɔli la, aw den kalifa lendo dirɛkitɛri walima dirɛkitirisi ma.
Karamɔkɔ kelen de bɛ aw den bolo, ni o bɛ wele kumadɔwla mɛtiri walima mɛtɛrɛsi, aw ni o de bɛ kuma aw den ka kalan ko la.
Matɛrɛnɛli lakɔli la barakɛlaw dɔ fana bɛ yen ni olu bɛ wele ko ATSEM, olu bɛ demiseniw dɛmɛ bara dɔw la tilekɔnɔ.

Kolɛji la, kalanso ɲɛma bɛ wele Pɛrɛnsipali.
Yen kalansow ka bon, lakɔlidenw ka ca, wa mɔgɔ caman fana bɛ bara kɛ yen.
Kalan bolofara o bolofara karamɔkɔ kelen de bɛ aw den bolo; wa aw ni a ka karamɔkɔ ɲɛma de kuma ka caya aw de ka kalan ani a ka ladamu kan. O bɛ se ka aw bilasira aw ka se ale barakɛ ɲɔgɔn tɔw ma. Misalila,
kalanso ladigilibaga ɲɛma min ka kɔlɔsili bɛ lakɔlidenw kan tuma mina ni u tɛ kɛ kalan na
kalanso hakili dɔkɔtɔrɔ min bɛ se ka aw den dɛmɛ dɛmɛtogoya dɔ la ani ka a dɛmɛ fana a ka kalan sukandiliw la.
Yɛnɛmaya dɛmɛbaga ni ya sɔrɔ dukɔnɔ walima wariko gɛlɛyaw bɛ yen.

Aw bɛ se ka kuma kalanso dɔkɔtɔrɔ fɛ kɛnɛya kow la ani aw bɛ se kuma kalanso papiye ɲɛnɛbɔ bagaw fɛ tɔgɔ sɛbɛn ani wari sara kow la.


Lise la, ɲɛma bɛ wele Porowisɛri.
Yen barakɛlaw ni lise taw bɛ ye kelen ye.

Lojura bɛ demiseni minuw kan, barakɛla kɛrɛnkɛrɛnnenw bɛ yen olu kama, ka u bilasira u ka kalan wati bɛ kɔnɔ.

Lakɔli la, aw den bɛ se ka dumuni kɛ kantini la walima kalanso dumunikɛ yɔrɔ la.
Kolɛji ni lise dɔw la, a bɛ se ka yɛlɛma ka shi yen ɛntɛrina la.
Yɔrɔ yɛrɛw fana nafa ka bon aw den ma :
Kunafoli sɔrɔ yɔrɔw la a bɛ se ka liwuruw kalan ani ka ɲininiw kɛ
Sali dɔw dabɔra a ka lesɔnta kama
Kalan ni yɛnɛmaya cakɛdaw ani lise kalandenw ka sow ani tɔnw dabora fɛnw kama i na fɔ desɛn, dɔnkilida ani farikolo ɲanajɛ.

Ka bɔ kolɛji la ka ta lise la, dɔ bɛ fara demiseni ka bara kan. A ka liwuru kalan bɛ caya, lesɔn bɛ caya wa kalan sɛkɛsɛkɛli fana bɛ caya. A ka kalan minɛn bilanaw, liwuruw ani kayew kanga ka labɛn ni kalan min bɛ a bolo don mina. O minɛnw bɛ se ka sago yɔrɔ kɛrɛnkɛrɛn nendo la.

Lakɔli ye ɲɛmaya yɔrɔ de ye. Walasa o ɲɛmaya bɛ kɛ nɔgɔya kɔnɔ, saria sɛbɛn dɔ labɛnedo min bɛ a fɔ ko min bɛ bɛn ani min tɛ bɛn. O saria bolofara dɔ bɛ wele ko layisite, a ka layini ye ka demiseniw dɛmɛ u ka ɲɛmaya kɛ jamana ladamun kɔnɔ i na fɔ hakilina di yamariya ani musomaniw ni tiɛmaniw bɛ ka minɛ kelen ye.
Aw den bɛ se ka a sendo lakɔli kow la: a bɛ kuma a tɔɲɔgɔnw tɔgɔla, a bɛ hakilinaw di lakɔliden ka ɲɛmaya ɲɛnɛbɔ togo ɲuman kan, walima kantini walima lakɔli ka bɔliw kan ; a bɛ se ka a sendo fana sigida maratogow ɲuman bara la, ɲɔgɔn dɛmɛ kama.

Aw mana kɛ faransɛ de ye walima dunan de ye, aw fana bɛ se ka wote lakɔliden sɔmɔgɔw ye minuw bɛna kuma aw tɔgɔ la ɲɔgɔnyew la minu bɛ wele ko ‘’konsɛyw’’, aw yɛrɛ fana bɛ se ka ta o bara kama ni wote kɛra aw ye.
Ni aw tara mi konsɛyw la, aw ni tɔw bɛ ŋaniya dɔw ta ani a bɛ aw se ko kɛ lakɔli ɲɛnɛbɔ togola.

A kaɲi sɔmɔgɔw ka se karamɔkɔw ma ka kuma u den ka kalan ko la. Aw bɛ se ka kunafoli sɔrɔ ɛntɛrinɛti fana fɛ bari kalansow la kunafoliw labɛn nendo ɛntɛrinɛti, aw bɛ se ka u lajɛ ka aw to so. Aw bɛ kalan gafe, ani sɛkɛsɛkɛ bara min kanga ka kɛ, nɔtiw, kalan shomew bɛ ye.

Ni aw ye aw den ka kalan kɔlɔsi, o kɔrɔ ko aw ye aw seko kɛ a ka kalan ni maya sabatili la.