Ni aw den bɛ kɔrɔbaya, a bɛna miri a bɛna fɛn min kɛ kɔfɛ.
Aw bɛna sukandili mɛ o senfɛ.
Sukandili ye ka i miri i ka siniɲɛsigi kow la, ka ŋaniya dɔw ta, ka kalan kɛ tukuni, ka bara dɔ sukandi.

A ka kalan watiw bɛ kɔnɔ, aw den bɛna a ka kalan ani barako sabati.
Ka daminɛ kilasi wɔrɔnan la, a bɛna kunafoliw caman sɔrɔ bara kalanw kan, ka sababu kɛ kalan ye, ka sababu kɛ lakɔliden ka bɔliw ye, cakɛdaw lajɛliw ye, bara ladege cakɛdaw la ani barakɛlaw bɛna ɲɔgɔn kunbɛn ye.
A bɛna dege fana a ka kunafoliw ɲini liwuruw ani batakiw kɔnɔ ani ɛntɛrinɛti kan.

Kolɛji la, ka ta kilasi sabana la ka ta bila lise la, ka ta kilasi filana na tɛkinoloji la ka ta bila tɛrimilali la, aw den kanga ka sukandiliw dɔ kɛ walasa a bɛ a ka kalan tɔw kɛ. Walasa a bɛ dɛmɛ ka o sukandiliw kɛ, jateminɛ bɛ kɛ a ka porojɛw ani a ka kalan nafaw la, aw ni a ka karamɔkɔw, pereperelanciya a ka karamɔkɔ ɲɛma bɛna ɲɔgɔn ye o ko la. Aw bɛ se ka lakɔli hakili dɔkɔtɔrɔ fana hakilina ɲini.
A kaɲi kamini san daminɛ la, aw ka hakili jagabɔ kalan sukandilenw kan ani aw ka ɲininin caman kɛ, bari kalan dɔw sɔrɔli bɛ tɛmɛ dosiye sukandili de fɛ, ani ka ɲɔgɔn ye ka kuma walima ɲɔgɔndan. Aw bɛ aw hakili to datiw la, wa aw bɛ aw hakilito talifɔniw la fana bari aw bɛ se ka wele kumabɛ la, ka ko dɔw ɲɛnɛbɔ.

Ni aw bɛ fɛ ka jira aw den bɛna kalan minuw kɛ, kilasi sabana la ani kilasi filana na tɛkinoloji la, aw kanga ka sɛbɛn dɔw dafa walasa karamɔkɔw na se ka u hakilina di aw ma.
Ka aw den tɔgɔ sɛbɛn lise la, oridinatɛri bara dɔ kanga ka kɛ walasa a na se ka pilasi sɔrɔ, jateminɛli kɛlen a ka nɔtiw ani a ka sigida kan.
Mun ye baradegeli kalan ye, aw kanga ka se baradege kalan cakɛda ma walasa aw nase ka patɔnrɔn dɔ sɔrɔ.

Tɛriminali kilasi la, aw den yɛrɛ de bɛna sukandili kɛ, a bɛ fɛ ka kalan min kɛ lakɔli baw la, ɛntɛrinɛti kan, yani baki sɔrɔli siti kan.

Sukandili tɛ ka fɛn kelen sukandili wati dɔ kɔnɔ. Kalan suguya ka ca kosɛbɛ wa aw den hakilina bɛ se ka falen a ka kalan kɔnɔ.

Ka sababu kɛ aw den bɛ hukumu mun kɔnɔ, yɛlɛmali dɔw bɛ se ka kɛ a ka kalan na:
- Ni ya sɔrɔ ko aw nana Faransi a mɛ wa aw den tɛ faransɛ kan mɛ kosɛbɛ, a bɛ se ka kunbɛ ni faransɛ kan kalani ye teliya la
- Ni kalan ka gɛlɛn a ma kojugu, a bɛ se ka foroba kalan ani bara kalan dɔ kɛ nɔgɔya la
- Ni ya sɔrɔ ko lojura dɔ bɛ a kan, kalan ɲɛnɛbɔ togoya dɔw bɛna ɲɛsin a ma kolɛji ani lise la.

Lakɔli ka layini ye aw den ka kalan bɛ ɲɛ a bolo, wa kɔfɛ, bara fana bɛ ɲɛ a bolo, wa yen a bɛ a timinandia ka a yɛrɛ kalan ani ka a yɛrɛ ka sukandiliw kɛ.